Түркия Парламентинин Төрагасы Баш катчыны кабыл алды

2021-жылы 3-майда Түркиянын Улуу Улуттук Ассамблеясынын Төрагасы Мустафа Шентоп Баш катчы Алтынбек Мамаюсуповду кабыл алды. Төрага кыргыз-тажик чек арасындагы куралдуу окуянын натыйжасы көптөгөн адамдарды өлүмгө жана жаракатка алып келгенине байланыштуу кыргыз элине тилектештигин билдирип көңүл айтты. Ошондой эле тараптар күн тартибиндеги актуалдуу маселелер боюнча пикир алмашып жана Казакстанда өтө турган Онунчу пленардык сессияга даярдыктарды талкуулашты.