Түркия Парламентінде ТҮРКПА-ға мүше Парламенттер қорғаныс комитеттері төрағаларының бірінші отырысы өтті

2024 жылғы 22-24 мамырда Анкарада Түркия Ұлы Ұлттық Жиналысының (ТҰҰЖ) ұйымдастыруымен ТҮРКПА-ға мүше Парламенттер Қорғаныс комитеттері төрағаларының бірінші отырысы өтті. ТҮРКПА ТҰҰЖ төрағалығы аясында өткен отырыстың тақырыбы «ТҮРКПА-ға мүше мемлекеттер арасындағы қорғаныс және қауіпсіздік архитектурасы» болды. Отырысқа Әзербайжан, Қазақстан, Қырғызстан, Түркия, Өзбекстан және Солтүстік Кипр Түрік Республикасы парламенттерінің қорғаныс комитеттерінің төрағалары мен орынбасарлары, сондай-ақ ТҮРКПА Бас хатшысы, ТҰҰЖ-ның ТҮРКПА-дағы делегациясының мүшелері, басқа да парламентшілер мен ресми тұлғалар қатысты. Ашылу отырысында ТҮРКПА-ның Іс басындағы төрағасы және ТҰҰЖ Төрағасы Нуман Куртулмуш бейнеконференция арқылы, ТҰҰЖ Ұлттық қорғаныс комиссиясының төрағасы Хулуси Акар және Түркия Республикасының Сыртқы істер министрі Хакан Фидан сөз сөйледі. Әзербайжан Республикасы Милли Меджлисінің Қорғаныс, қауіпсіздік және сыбайлас жемқорлыққа қарсы іс-қимыл комитетінің төрағасы Зияфат Асғаров, Қазақстан Республикасы Парламенті Сенатының Халықаралық қатынастар, қорғаныс және қауіпсіздік комитеті төрағасының орынбасары Дархан Қыдырәлі, Қырғыз Республикасы Жогорку Кенешінің Халықаралық істер, қорғаныс, қауіпсіздік және көші-қон комитеті төрағасының орынбасары Эльдар Сулейманов, Өзбекстанның Олий Мажлисі Заң шығару палатасының Қорғаныс және қауіпсіздік мәселелері жөніндегі комитеті төрағасының орынбасары Козимжон Тожиев, СКТР Ассамблеясының Құқықтық, саяси істер және халықаралық байланыстар комитетінің төрағасы Ясемин Өзтүрк пен ТҮРКПА Бас хатшысы Мехмет Сүрейя Эр ісшара барысында сөз сөйледі. «Түркі әлемі болашақ көпполярлы әлемнің маңызды субъектілерінің бірі болуға тиіс. Біз Түркі әлемінің бірлігі, ынтымағы, ортақ болашаққа ұмтылуы дүниежүзі тыныштығына қауіп төндірмейтінін, керісінше, дүниежүзілік бейбітшілікті қамтамасыз етудің мүмкіндігі мен ықтималдылығы екенін анық айтқымыз келеді», - деді Парламент Төрағасы Нуман Куртулмуш. ТҰҰЖ Ұлттық қорғаныс комиссиясының төрағасы Хулуси Акар қорғаныс және қауіпсіздік мәселелерінің стратегиялық ынтымақтастық тұрғысынан маңыздылығына тоқталып, ынтымақтастық пен хабардарлықты жалғастыру қажеттігін атап өтті. Түркияның Сыртқы істер министрі Хакан Фидан өз сөзінде Түркі әлеміндегі ұлттық қауіпсіздікке бірыңғай көзқарасты нығайтуға парламенттік қатысудың маңыздылығын білдірді. Қатысушылар өз сөзінде ТҮРКПА аясындағы мамандандырылған комитеттер арасындағы жақсы тәжірибелер бойынша практика алмасуға және заңнама саласындағы ынтымақтастыққа ықпал ететін кездесулердің маңыздылығын атап өтті. Бас хатшы Мехмет Сүрейя Эр өз үндеуінде ТҮРКПА Түркі мемлекеттерінің парламенттік ынтымақтастық алаңы ретінде Түркі мемлекеттерінің қорғаныс және қауіпсіздік архитектурасына үлес қосу үшін қажетті инфрақұрылымға ие екенін айтты. Ол мұндай кездесулер парламенттердің қорғаныс және қауіпсіздік комитеттерінің тікелей өзара іс-қимылының тиімді тетігі болып табылатынын атап өтті. 2024 жылдың 23 мамырында делегация Түркия Республикасы Президентінің Қорғаныс өнеркәсібі Хатшылығына бару мүмкіндігіне ие болып, онда осы мекеменің қызметі туралы хабардар болды. Келесі күні делегация Анкарадағы Turkish Aerospace Industries (TAI) және ASELSAN компанияларын аралады. Делегацияға TAI өндірістік желісін аралап, компания жұмысы туралы брифинг берді. Содан кейін олар ASELSAN-ның Акюрт кампусында болып, компания қызметі мен өнімдері туралы брифингке қатысты. 2024 жылдың 24 мамырында делегация Ыстамбұлдағы Өздемир Байрактар ұлттық технологиялық орталығына барды. Ісшара аясында әлеуметтік бағдарлама да ұйымдастырылды. Бағдарлама ТҮркі әлемінде кең аудиторияға жеткен «Дирилиш Эртуғрул» және «Курулуш Осман» сияқты көптеген маңызды сериалдар түсірілген Боздағ Фильм Платоларына барумен аяқталды.