ТКТР Президенти ТҮРКПАнын Башкы катчысын кабыл алды

2023-жылдын 14-ноябрында Түндүк Кипр Түрк Республикасынын Президенти Эрсин Татар ТКТРга иш сапарынын алкагында ТҮРКПАнын Башкы катчысы Мехмет Сүрейя Эр баштаган делегацияны кабыл алды. ТКТРнин ТҮРКПАнын ишмердүүлүгүнө байкоочу катары катышуусунун маанилүүлүгүн баса белгилеген Президент Эрсин Татар мындан аркы мамилелерди чыңдоого жана түрк кызматташтык платформасынын бардык өңүттөрү боюнча кызматташууга даяр экендигин билдирди. Жылуу кабыл алуу үчүн ыраазычылык билдирген Башкы катчы Президент Эрсин Татарды Түндүк Кипр Түрк Республикасынын 40 жылдыгы менен куттуктады. Башкы катчы ТҮРКПАнын ишмердүүлүгү жана келечектеги пландары тууралуу кеңири маалымат берди.