ТИКАнын Баку өкүлчүлүгүнүн жетекчилиги ТҮРКПА Катчылыгына келди

2021-жылдын 27-декабрында Түрк Кызматташтык жана Координация Агенттигинин (TİKA) Баку шаарындагы Программалык координатору Фатих Йылмаз мырза жана анын орун басары Ахмет Чанга мырза Катчылыкка келип, Башкы катчы менен жолугушту. Тараптар келечектеги кызматташтык маселелери боюнча пикир алмашышты. ТИКАнын Бакудагы өкүлчүлүгүнүн координатору Башкы катчыны кызматка киришүүсү менен куттуктап, "Карабакты кайра куруу жана өнүктүрүү", "Мунай эмес секторлорду өнүктүрүү", "Социалдык теңсиздикти жоюу", "Цивилизациянын жалпы баалуулуктарын өнүктүрүү" жана "Башка өлкөлөр менен биргелешкен иш-чараларды өнүктүрүү" сыяктуу стратегиялык артыкчылыктарга ылайык иштелип чыккан долбоорлорго басым жасоо менен ТИКАнын иш-чаралары жөнүндө маалымат берди. Жолугушуунун жүрүшүндө, ТИКАнын чет өлкөлөрдөгү алгачкы өкүлчүлүктөрүнүн бири болгон Бакудагы Координациялык өкүлчүлүгүнүн ишин 1994-жылы баштаганын жана андан бери Азербайжан менен Түркиянын ар түрдүү тармактарда кызматташтыгын дагы да бекемдегенин эске салып, Башкы катчы М. Сүрейя Эр эки уюмдун ортосундагы карым-катнаштын маанилүүлүгүн баса белгилеп, ТИКАнын ар түрдүү инновациялык долбоорлордо ишке ашырылып жаткан иш-аракеттерин жогору баалады. ТИКА — 1992-жылы Советтер Союзу тарагандан кийин Борбор Азия жана Кавказдагы Түрк мамлекеттерине техникалык жардам көрсөтүү максатында түзүлгөн уюм. Бирок 2002-жылдан бери Түрк өкмөтүнүн көп тараптуу тышкы саясатына ылайык, Азиянын, Африканын жана Латын Америкасынын дээрлик бардык өнүгүп келе жаткан өлкөлөрүн камтуу үчүн ТИКАнын жардам көрсөтүү боюнча ишмердүүлүгү барган сайын кеңейген. Бүгүнкү күндө ТИКА 5 континенттеги 60 өлкөдө жайгашкан 62 программаларды координациялоо өкүлчүлүктөрү аркылуу 150дөн ашуун өлкөдө ишмердигин жүргүзүп келе жатат.