ТӘСИО делегациясы ТҮРКПА Хатшылығына келді

2022 жылғы 13 қаңтарда Әзербайжанға іссапары аясында Түркияның Қоршаған орта, урбандау және климаттың өзгеруі жөніндегі Министрінің орынбасары және ТӘСИО Бас Президенті Мүджахит Демирташ бастаған Түркі Әлемі сәулетшілері мен инженерлері одағының (ТӘСИО) делегациясы ТҮРКПА Хатшылығына келіп, Хатшылықтың дипломатиялық қызметкерлерімен кездесті. Бас хатшының орынбасары Фуад Алакбаров делегацияны Ассамблея аясында өткізілетін ұйымның қызметі туралы хабардар етті. Өз кезегінде ТӘСИО Бас Президенті Мүджахит Демирташ пен ТӘСИО Бас хатшысы Ильяс Демирджи Одақтың жұмысы туралы қысқаша мәлімет беріп, одан әрі белсенді ынтымақтастыққа жәрдемдесуге ниет білдірді. Кездесу барысында тараптар өздерінің тиісті ұйымдары арасындағы ықтимал бірлескен жобаларды іске асыру туралы пікір алмасты.