СКТР Президенті ТҮРКПА делегациясын қабылдады

2026 жылғы 20 шілдеде ТҮРКПА делегациясының Солтүстік Кипр Түрік Республикасына (СКТР) сапары барысында СКТР Президенті мәртебелі Туфан Эрхүрман мырза ТҮРКПА Бас хатшысының атынан келген, ТҮРКПА Бас хатшысының орынбасары міндетін атқарушы Бектұр Базакеев мырза бастаған ТҮРКПА делегациясын қабылдады.

Қабылдау барысында тараптар Солтүстік Кипр Түрік Республикасы Парламентінің ТҮРКПА-ға бақылаушы ретінде қосылуын жоғары бағалап, осы шеңберде жолға қойылған ынтымақтастық ауқымының кеңейіп келе жатқанын атап өтті. Сондай-ақ олар тұрақты диалог пен бірлескен бастамалар арқылы парламентаралық ынтымақтастықты одан әрі нығайтуға деген ортақ бейілділігін растады.

ТҮРКПА делегациясы сондай-ақ СКТР Президенті мәртебелі Туфан Эрхүрман мырза мен СКТР Парламентінің Төрағасы мәртебелі Зия Өзтүрклер мырза қонақтардың құрметіне ұйымдастырған қабылдауларға, сондай-ақ доктор Фазыл Күчүк бульварында өткен ресми шеруге қатысты.

Кездесуге ТҮРКПА-ның Құқықтық мәселелер мен халықаралық қатынастар жөніндегі комиссиясының хатшысы, доктор Кадир Яман да қатысты.