СКТР Президенті ТҮРКПА Бас хатшысын қабылдады

2023 жылғы 14 қарашада Солтүстік Кипр Түрік Республикасына (СКТР) сапары аясында Бас хатшы Мехмет Сүрейя Эр бастаған ТҮРКПА делегациясын СКТР Президенті Эрсин Татар қабылдады. Президент Эрсин Татар ТҮРКПА қызметіне бақылаушы ретінде қатысудың маңыздылығын атап өтіп, Түркі өзара іс-қимыл платформасының барлық өлшемдерімен қарым-қатынастарды одан әрі нығайтуға және ынтымақтастыққа дайын екендігін білдірді. Бас хатшы Президент Эрсин Татарға жылы қабылдағаны үшін алғысын білдіріп, СКТР-ның 40 жылдығымен құттықтады. Бас хатшы ТҮРКПА қызметі мен болашаққа жоспарлары туралы толық ақпарат берді.