«Сауда өкілдіктері туралы» модельдік заңды әзірлеу бойынша сарапшылар тобының бірінші отырысы онлайн форматта өтті

2023 жылғы 14 желтоқсанда «Сауда өкілдіктері туралы» модельдік заң жобасын әзірлеу жөніндегі сарапшылар тобы өзінің алғашқы отырысын онлайн форматта өткізді. Модельдік заң жобасы ТҮРКПА-ның 2023-2028 жылдарға арналған Стратегиялық жол картасына сәйкес Экономикалық ынтымақтастық жөніндегі комиссия шеңберінде әзірленеді. Отырысты Бас хатшының орынбасары Талғат Адуов ашып, модератор ретінде Экономикалық ынтымақтастық жөніндегі комиссияның хатшысы Бауыржан Датқаев сөз сөйледі. Кездесуге мүше мемлекеттердің парламенттері мен тиісті министрліктерінің сарапшылары, сондай-ақ ТҮРКПА Хатшылығының өкілдері қатысты. Отырыс құжат жобасы бойынша пікір алмасуға бағытталды. Отырыстың соңында сарапшылар келесі кездесуді 2024 жылғы 11 қаңтарда өткізуге келісті.