Самарқандта Ислам әлемінің 2025 жылғы мәдени астанасының ашылу рәсімі өтті

2025 жылғы 26-27 мамырда Бас хатшы Мехмет Сүрейя Эр бастаған ТҮРКПА делегациясы «Ислам әлемінің рухани мұрасы және мәдени көріністері: каллиграфия, музыка, поэзия және ынтымақ» халықаралық форумына, сондай-ақ «Самарқанд – Ислам әлемінің мәдени астанасы» мерекелік іс-шараларына қатысты. Іс-шараларды Өзбекстан Республикасы Мәдениет министрлігі мен Ислам әлемі білім, ғылым және мәдениет ұйымы (ICESCO) бірлесіп ұйымдастырды. Іс-шаралар Түркі өркениетінің көне астаналарының бірі Самарқандта Ислам әлемінің көптеген мәдениет министрлері мен министр орынбасарлары, елшілер, дипломатиялық корпус мүшелері, халықаралық және Түркі ынтымақтастығы жөніндегі тиісті ұйымдар өкілдерінің, сондай-ақ басқа да мәртебелі меймандардың қатысуымен өтті. Форумның ашылу салтанатында Өзбекстан Республикасының Мәдениет министрі Озодбек Назарбеков, Самарқанд облысының губернаторы (әкімі) Адиз Бобоев және «ICESCO» Бас директоры доктор Салим Әл-Малик сөз сөйледі. Одан кейін доктор Салим Әл-Малик «Ислам әлемінің 2025 жылғы мәдени астанасы» символикалық туы мен мүсіншесін Министр Озодбек Назарбеков пен әкім Адиз Бобоевке салтанатты түрде табыс етті. Іс-шара делегация басшыларының сөз сөйлеуімен жалғасты. ТҮРКПА Бас хатшысы Мехмет Сүрейя Эр де сөз сөйледі. Бас хатшы өз сөзінде Түркі халықтарының Ислам әлемінің интеллектуалдық және көркемдік мұрасына қосқан үлесін, сондай-ақ ТҮРКПА мен Өзбекстан арасындағы берік қарым-қатынасты атап өтіп, Өзбекстанмен ынтымақтастық Ассамблеяның басым бағыттарының бірі екенін атап өтті. Ол Өзбекстан Парламенті жақын арада Ассамблеяның толыққанды мүшесі болатынына сенім білдірді. Іс-шаралар барысында делегациялар Самарқанның тарихымен, дәстүрлерімен және мәдени мұрасымен танысты. Сондай-ақ олар қаланың басты тарихи орындарын, соның ішінде өз заманындағы ең озық әрі дәл саналатын Ұлық бек обсерваториясын – Гур-е-Амир кесенесін, Шах-и-Зинда кешенін, Бибі-ханым кешенін, Регистан алаңын және Мәңгілік қаланы аралады. Іс-шара Самарқандтың және кең Ислам әлемінің көркемдік рухы мен мәдени серпінділігін көрсететін театрландырылған концерттік бағдарламамен аяқталды. Бас хатшы Мехмет Сүрейя Эрмен бірге Білім, мәдениет, әлеуметтік және гуманитарлық мәселелер жөніндегі комиссия хатшысының міндетін атқарушы Әйгерім Таалайбекова мен ТҮРКПА Хатшылығының қызметкері Эмин Салманов болды. «Шығыс Римі» деп аталатын Самарқанд ғасырлар бойы Түркі-Ислам өркениетінің маңызды орталықтарының бірі болды. Қала өзінің тарихи және мәдени ескерткіштерімен ғана емес, сонымен қатар тарихтың әртүрлі кезеңдерінде бірнеше Түркі мемлекеттерінің астанасы болғанымен де ерекшеленеді.