Қоршаған орта, табиғи ресурстар және денсаулық сақтау жөніндегі комиссия Сарапшылар тобының отырысын өткізді

2023 жылғы 15 желтоқсанда «Темекі пайдалануды шектеу туралы» модельдік заң жобасын әзірлеу жөніндегі сарапшылар тобы өздерінің алғашқы онлайн-отырысын өткізді. Модельдік заң Қоршаған орта, табиғи ресурстар және денсаулық сақтау жөніндегі комиссия шеңберінде ТҮРКПА-ның 2023-2028 жылдарға арналған Стратегиялық жол картасына сәйкес әзірленетін болады. Кездесуге мүше елдердің парламенттерінен, мүше мемлекеттердің тиісті министрліктерінен тұратын сарапшылар, сондай-ақ Хатшылық өкілдері қатысты. Кездесуде құжаттың жобасы бойынша пікір алмасуға басты назар аударылды. Сарапшылар келесі отырысты 2024 жылдың 12 қаңтарында өткізуге келісті. «Темекі пайдалануды шектеу туралы» модельдік заң жобасын алдын ала Әзербайжан Республикасының Милли Меджлисі дайындаған.