Монголиянын Парламентинин Төрагасы Башкы катчынын кабыл алды

2023-жылдын 12-июнунда Монголиянын Мамлекеттик Улуу Хуралынын (Парламентинин) Төрагасы Гомбожав Занданшатар 2023-жылдын 13-14-июнунда Транс-Алтай туруктуулук диалогуна катышуу үчүн Монголиянын Улан-Батор шаарына сапар жасаган ТҮРКПАнын Башкы катчысы Мехмет Сүрейя Эр баштаган делегацияны кабыл алды. Жолугушууга Түркия Республикасынын Монголиядагы Элчиси Зафер Атеш да катышты. Парламент башчысы монгол жана түрк элдеринин түпкү тамырына, жалпы тарыхый жана маданий баалуулуктарына токтолуп, Монголиянын Үчүнчү кошунасынын саясатынын алкагында түрк мамлекеттери менен кызматташууну өнүктүрүүнүн маанилүүлүгүн белгиледи. Бул контекстте ал түрк кызматташтык платформасынын бардык багыттарында кызматташууга даяр экенин билдирди. Башкы катчы Монголиянын парламентине жылуу кабыл алуу үчүн жана туруктуу өнүгүүгө жетишүүгө салым кошуу максатында уюштурулган маанилүү иш-чара – Транс-Алтайдын Туруктуулугу Диалогуна катышууга чакыргандыгы үчүн ыраазычылык билдирди. Ал түрк дүйнөсүндөгү кызматташтык процесстерине токтолуп, түрк кызматташтыгынын парламенттик өлчөмү катары ТҮРКПАнын ишмердүүлүгү тууралуу маалымат берди. Башкы катчы Ассамблеянын башка парламенттер жана парламенттер аралык уюмдар менен өз ара аракеттенүүсүнө да токтолду. Тараптар Монгол Парламенти менен ТҮРКПАнын ортосундагы кызматташтыктын келечеги, анын ичинде келечекте Парламенттин Ассамблеяда байкоочу статусун алуу мүмкүнчүлүгү боюнча пикир алмашышты.