Милли Межлистин Төрайымы ТҮРКПАнын Башкы катчысын кабыл алды

2025-жылдын 15-октябрында Азербайжан Республикасынын Милли Межлисинин Төрайымы Сахиба Гафарова Түрк мамлекеттеринин Парламенттик Ассамблеясынын (ТҮРКПА) Башкы катчысы, Элчи Рамил Хасан жетектеген делегацияны кабыл алды. Төрайым Сахиба Гафарова Элчи Рамил Хасанды ТҮРКПАнын Башкы катчысы кызматында өз ишин башташы менен куттуктап, ага келечектеги ишмердүүлүгүнө ийгиликтерди каалады. Өз кезегинде Башкы катчы жылуу кабыл алуу жана ТҮРКПАнын ишине, демилгелерине туруктуу колдоо көрсөтүп жаткандыгы үчүн ыраазычылык билдирди. Жолугушуу учурунда тараптар Ассамблеянын учурдагы жана келечектеги ишмердүүлүгү тууралуу пикир алмашып, алдыдагы мезгилге карата кызматташуунун жаңы багыттарын талкуулашты. Башкы катчыны Башкы катчынын орун басарлары Талгат Адуов, Сакы Садыков, Мухаммет Алпер Хайали жана Комиссия катчысы Айнур Абуталибова коштоп жүрүштү.