Милли Межлистин Төрайымы ТҮРКПАнын Башкы катчысын кабыл алды

2025-жылдын 29-декабрында Азербайжан Республикасынын Милли Межлисинин Төрайымы Сахиба Гафарова Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасанды кабыл алды. Достук жана конструктивдүү маанайда өткөн жолугушуунун жүрүшүндө Башкы катчы ТҮРКПАнын акыркы эки жарым айда жүргүзүлгөн иш-аракеттери, аткарылган кадамдары, 2026-жылга карата иш-аракеттер планы, Өзбекстан Республикасынын ТҮРКПАга кошулуусу, ошондой эле бир тууган мамлекеттердин биримдигин жана теңдигин бекемдөөгө багытталган маанилүү демилгелер жөнүндө кеңири маалымат берди. Өз кезегинде Сахиба Гафарова айым ТҮРКПАнын Башкы катчысына кыска убакыттын ичинде жасаган активдүү жана жемиштүү иши үчүн ыраазычылыгын билдирди. Ал Азербайжан Республикасынын Милли Межлиси ТҮРКПАнын парламенттер аралык кызматташтыктын алкагындагы Түрк элдеринин жалпы руханий биримдигине кызмат кылган жана парламенттик дипломатиянын негизги багыттарынын бири болгон ишмердүүлүгүн жогору баалаарын баса белгиледи. Төрайым ошондой эле Азербайжан Республикасынын Милли Межлиси кабыл алуучу өлкө катары ТҮРКПАнын келечектеги ишмердүүлүгүнө ар тараптуу колдоо көрсөтүүнү уланта берерин белгиледи.