Кыргыз элчиси ТҮРКПАнын Башкы катчысына сылык сапары менен келди

2026-жылдын 21-январында Кыргыз Республикасынын Азербайжан Республикасындагы Атайын жана Ыйгарым Укуктуу Элчиси Максат Мамытканов мырза Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасанга сылык сапары менен келди. Жолугушуунун жүрүшүндө Элчи Мамытканов Элчи Хасанды ТҮРКПАнын Башкы катчысы катары кызматына киришүүсү менен куттуктады жана маанилүү милдеттерин аткарууда ийгиликтерди каалады. Башкы катчы Элчи Рамил Хасан ыраазычылыгын билдирип, Элчи мырзага Ассамблеянын жүргүзүлүп жаткан иш-аракеттери жана артыкчылыктуу багыттары жөнүндө маалымат берди. Ошондой эле Кыргыз Республикасына болгон акыркы сапары, анын ичинде Кыргыз Республикасынын Жогорку Кеңешинин (Парламент) Төрагасы урматтуу Нурланбек Тургунбек уулу менен болгон жолугушуу тууралуу бөлүшүп, өткөрүлгөн талкуулардын жемиштүү мүнөзүн канааттануу менен белгиледи. Өз кезегинде Элчи Мамытканов мырза Башкы катчыга Кыргыз Республикасынын Элчилигинин ишмердүүлүгү тууралуу маалымат берип, ТҮРКПАга Түрк кызматташтыгынын алкагында мүмкүн болгон бардык колдоону көрсөтүүгө даяр экендигин ырастады. Жолугушууга Башкы катчынын орун басары Сакы Садыков да катышты.