Кавказ Ислам Армиясынын Башкы колбашчысы, “Бакунун Бошотуучусу” Нури Пашанын каза болгонуна 73 жыл

Бүгүн, 2022-жылдын 2-мартында Кавказ Ислам Армиясынын Башкы колбашчысы, “Бакунун Бошотуучусу” Нури Пашанын каза болгонуна 73 жыл толду. 1918-жылдын 15-сентябрында ошол кездеги согуш министри, Азербайжан менен Дагестандын Осмон дөөлөтүнөн жардам сурап кайрылуусу менен улуу агасы Энвер Пашанын буйругу менен 12 миң кишилик Кавказ Ислам Армиясына башчылык кылган Нури Паша Азербайжандын түрдүү аймактарын, өзгөчө Бакуну, душмандын басып алууларынан бошотуп, баардык азербайжандыктардын жүрөгүнө такты орноткон. 1890-жылдын 5-майында Стамбулда туулган Нури Паша Манастыр аймагындагы аскердик окуу жайын лейтенант наамы менен бүтүрүп, Балкандардын түрдүү аймактарында кызмат кылган. 1911-жылы Триполи согушуна катышкан. Осмон империясы Биринчи дүйнөлүк согушка киргенден кийин ага «Султандын жардамчысы» наамы берилген. Ал 1917-жылга чейин Триполиде жана Бенгазиде кызмат өтөп жүрүп, англиялык, италиялык жана француз аскерлерине каршы көптөгөн согуштарга катышкан. Түркия Республикасы жарыялангандан кийин Курган заводдору менен түрк коргонуу өнөр жайынын алдыңкыларынын бири болгон Нури Пашанын (Киллигил) элеси Азербайжанда да, Түркияда да сакталат. Каза болгонунун 73 жылдыгында Кавказ Ислам Армиясынын Башкы колбашчысы Нури Пашаны жана бардык шейиттерибизди дагы бир жолу ырайымдуулук жана ыраазычылык менен эскеребиз.