Евразия изилдөө институтунун өкүлдөрү ТҮРКПА Катчылыгына баш багышты

2024-жылдын 4-ноябрында Ахмет Ясеви атындагы Эл аралык Казак-Түрк университетинин Евразия илимий-изилдөө институтунун (ЕИИИ) директору Суат Бейлур ТҮРКПА Катчылыгына баш бакты. ЕИИИнин директорун директордун орун басары Женгизхан Жаналтай коштоп жүрдү. Конокторду ТҮРКПАнын Башкы катчысынын орун басары Фуад Алакбаров жана Комиссиянын катчысы Кадир Яман тосуп алышты. Башкы катчынын орун басары ТҮРКПАнын ишмердүүлүгү тууралуу маалымат берди. Талкуунун негизги темаларынын бири Ассамблеянын алкагында моделдик мыйзамдарды иштеп чыгуу болду. ЕИИИ директору Евразия илимий-изилдөө институтунун түрк дүйнөсүндөгү изилдөөлөр жана басылмалар жаатындагы маанисин баса белгиледи. Ошондой эле басылмалар жана уюштурулган иш-чаралар аркылуу институт өз көз карашын кеңейтип, изилдөөчүлөр менен академиктерге жаңы мүмкүнчүлүктөрдү сунуштап жатканы белгиленди. Сапардын жүрүшүндө эки институттун кызматташуусунун келечеги талкууланып, институттун рецензияланган академиялык басылмасы болгон "Eurasian Scientific Research" (Евразиялык илимий изилдөөлөр) журналы Катчылыкка белек катары берилди.