Элчи Акгүн мырза жана ТУУЖ мүчөсү Айрым мырза ТҮРКПА Катчылыгына сылык сапары менен келишти

2025-жылдын 30-октябрында Түрк мамлекеттердин Парламенттик Ассамблеясынын (ТҮРКПА) Башкы катчысы Элчи Рамил Хасан Түркия Республикасынын Азербайжан Республикасындагы Элчиси Бирол Акгүн жана Түркиянын Улуу Улуттук Жыйынынын (ТУУЖ) мүчөсү, Түркия-Азербайжан достук тобунун төрагасы Шамил Айрым мырзаны ТҮРКПАнын Катчылыгында кабыл алды. Сый-урмат көрсөтүү жолугушуу учурунда Хасан мырза конокторго ТҮРКПАнын мүчө парламенттеринин ортосундагы кызматташтыкты күчөтүү боюнча көрүлгөн тынымсыз аракеттер, акыркы демилгелер жана мүчө өлкөлөргө жасалган расмий сапарларда талкууланган маселелер тууралуу маалымат берди. Башкы катчы ТҮРКПАнын парламенттер, Тышкы иштер министрликтер жана Түрк Мамлекеттер Уюму (ТМУ) ортосундагы ынтымакты дагы да күчөтүүгө багытталган сунуштарын жана иш-аракеттерин бөлүштү. ТҮРКПАнын бул бардык чөйрөлөрдө жүргүзүлгөн иш-аракеттери Казакстандын учурдагы төрагалыгы астында үзгүлтүксүз жана ийгиликтүү ишке ашып жатканын белгиледи. Элчи Бирол Акгүн Башкы катчы Элчи Рамил Хасанды ТҮРКПАдагы жаңы кызмат орду менен куттуктап, ишине чоң ийгиликтерди каалады. ТУУЖдун Төрагасынын орун басары Шамил Айрым мырза, алардын көптөн берки достугуна токтолуп, Башкы катчы Хасан мырзаны жылуу куттуктады. Айрым мырза Элчи Хасандын Түрк дүйнөсүнө көрсөткөн баалуу кызматтары сыяктуу эле кайрадан ТҮРКПАнын Башкы катчысы катары аткарып жаткан ишинде да ошол эле деңгээлде чагылдырыларына бекем ишенээрин билдирди. Жолугушууда Башкы катчынын орун басары Мухаммет Алпер Хаяли жана комиссия катчысы Кадир Яман да катышты.