Эл аралык Балкан университетинин ректору ТҮРКПАнын Катчылыгына келди

2022-жылдын 11-мартында Эл аралык Балкан университетинин ректору, Проф. Док. Мехмет Дурсун Эрдем жетектеген делегация ТҮРКПА Катчылыгына келип, Башкы катчы Мехмет Сүрейя Эр мырза менен жолугушту. Эрдем мырза Эр мырзаны ТҮРКПАнын Башкы катчысы кызматына киришүүсү менен куттуктап, мындан аркы ишмердигине ийгиликтерди каалады. Ал Башкы катчыга университеттин ишмердүүлүгү жөнүндө маалымат берип, келечекте активдүү кызматташуу ниетин билдирди. Өз кезегинде Башкы катчы Эрдем мырзага жасаган сылык сапары үчүн ыраазычылыгын билдирип, ректорго алардын ишмердүүлүгүнө ийгиликтерди каалады. Тараптар мүмкүн болгон биргелешкен долбоорлорду ишке ашыруу боюнча пикир алмашышты. Жолугушуунун жүрүшүндө Эрдем мырза Башкы катчыга акыркы басылмаларынын топтомун, анын ичинде түрк тилинин Көл Тегин, Билге Каган, Тонюкук «түбөлүк таштары» сыяктуу эң байыркы жазуулары изилденген «Көктүркчө» китебин тапшырды. Эрдем мырза — дүйнө жүзүндөгү академиялык чөйрөлөр тарабынан белгилүү болгон эл аралык рецензияланган "Turkish Studies" журналынын негиздөөчүсү жана башкы редактору.