Экономикалық ынтымақтастық жөніндегі комиссия модельдік заңды әзірлеу жөніндегі сарапшылар тобының алғашқы отырысын өткізді

2023 жылғы 2 қарашада «Айналысқа шығарылатын өнімнің қауіпсіздігі мен сапасының негіздері туралы» модельдік заң жобасын әзірлеу жөніндегі сарапшылар тобы өзінің алғашқы отырысын онлайн форматта өткізді. Модельдік заң жобасы ТҮРКПА-ның 2024 жылға арналған Іс-шаралар жоспарына сәйкес Экономикалық ынтымақтастық жөніндегі комиссия шеңберінде әзірленеді. Отырыстың ашылуында Бас хатшының орынбасары Талғат Адуов сөз сөйледі. Өз сөзінде Адуов мырза ТҮРКПА өңірінде айналысқа шығарылатын өнімнің қауіпсіздігі мен сапасын реттейтін заңнаманы жақындастырудың маңыздылығына тоқталды. Отырысқа Экономикалық ынтымақтастық жөніндегі комиссияның хатшысы Бауыржан Датқаев модератор болды. ТҮРКПА мүше елдердің сарапшылары құжаттың жобасы бойынша өз пікірлері мен ұсыныстарын білдіріп, 2023 жылғы 30 қарашада екінші кездесуді өткізуге келісті.