Дипломатиялық корпус Ағдам-Ханкенди жолындағы Әзербайжанның «Қызыл Жарты Ай» қоғамының азық-түлік жүктерінің орналасқан жеріне барды

2023 жылғы 31 тамызда ТҮРКПА Комиссиясының хатшылары Кундыз Рустембекова мен Кадир Яман Әзербайжан Республикасының Сыртқы істер министрлігі ұйымдастырған дипломатиялық корпус өкілдерінің, әскери атташелердің, сондай-ақ шетелдік журналистердің Ағдамға сапарына қатысты. Бағдарлама аясында сапарға қатысушылар Ағдам-Ханкенди автожолында болды. Олар жолдың функционалдығын зерттеп, Қарабахта тұратын армян тектес тұрғындарға Әзербайжанның «Қызыл Жарты Ай» қоғамы жіберген Ағдам-Ханкенди жолындағы азық-түлік жүктері бар екі жүк көлігінің орналасқан жерімен танысты. Әзербайжан Республикасы Президентінің көмекшісі, Әзербайжан Республикасы Президенті Әкімшілігінің Сыртқы саясат мәселелері жөніндегі бөлімінің меңгерушісі Хикмат Гаджиев қатысушыларды ағымдағы жағдай туралы хабардар етті. 29 тамызда Әзербайжанның «Қызыл Жарты Ай» қоғамы Ағдам-Ханкенди жолымен Қарабахта тұратын армян тектес тұрғындарға 40 тонна ұннан тұратын гуманитарлық көмек жеткізуді ұйымдастырды. Гуманитарлық көмек осы аймақтағы Ресей бітімгершілік контингентінің бақылау-өткізу пунктінен өтуді күтті.