Чолпон-Атада Ассамблея Кеңесінің отырысы өтті

Қырғыз Республикасының Жогорку Кенеші ұйымдастырған ТҮРКПА Ассамблея Кеңесінің Он бірінші отырысы 2022 жылдың 24 маусымында Қырғыз Республикасының Чолпон-Атада өтті. Кеңес мүшелері – Әзербайжан Республикасы Милли Меджлисінің Төрайымы Сахиба Гафарова ханым, Қазақстан Республикасы Парламенті Мәжілісінің Төрағасы Ерлан Қошанов мырза, Қырғыз Республикасы Жогорку Кенешінің Төрағасы Талант Мамытов мырза, Түркия Ұлы Ұлттық Жиналысының спикері Мұстафа Шентоп мырза, сондай-ақ Бас хатшы Мехмет Сюрейя Эр мырза кездесті. Кездесу барысында ТҮРКПА төрағалығын Қазақстан Республикасы Парламентінен Қырғыз Республикасының Жогорка Кенешіне тапсыру рәсімі өтті. Парламент басшылары кіріспе сөз сөйледі. ТҮРКПА-ның қазіргі іс басындағы Төрағасы Талант Мамытов мырза өзінің қазақстандық әріптесіне Қазақстанның төрағалығы кезінде өткен кезеңдегі мақтауға тұрарлық жұмысы үшін алғысын білдірді. Кеңес мүшелері күн тәртібіндегі мәселелерді талқылап, бірқатар маңызды шешімдер қабылдады. Кездесу барысында "Түркітілдес Елдердің Парламенттік Ассамблеясы" атауын "Түркі Мемлекеттерінің Парламенттік Ассамблеясы" деп өзгерту туралы шешім қабылданды. Кеңес Ассамблеяның жаңа туы мен логотипін бекітті, сондай-ақ парламентаралық ынтымақтастықтың басым бағыттарын қамтитын ТҮРКПА-ның 2023-2028 жылдарға арналған Стратегиялық жол картасын бекітті.