Білім, мәдениет, әлеуметтік және гуманитарлық мәселелер жөніндегі комиссия аясында «Мұғалім мәртебесі туралы» модельдік заң жобасын әзірлеу жөніндегі Сарапшылар тобының отырысы өтті

«Мұғалім мәртебесі туралы» модельдік заң жобасын әзірлеумен айналысатын Сарапшылар тобы 2025 жылғы 4 наурызда үшінші және соңғы онлайн отырысын өткізді. «Мұғалім мәртебесі туралы» модельдік заң жобасы ТҮРКПА-ның 2023-2028 жылдарға арналған Стратегиялық жол картасына сәйкес ТҮРКПА-ның Білім, мәдениет, әлеуметтік және гуманитарлық мәселелер жөніндегі комиссиясының 2025 жылғы жұмыс жоспары аясында әзірленді. «Мұғалім мәртебесі туралы» модельдік заң жобасы мүше мемлекеттердің білім беру саласындағы құқықтық негіздерін үйлестіруге, мүше мемлекеттердің білім беру жүйелері арасындағы халықаралық байланыстарды жақсартуға, сондай-ақ экономикалық, мәдени және әлеуметтік дамуға ықпал ететін білім беру үдерістерінің жақындасуына жәрдемдесуге бағытталған. 2025 жылдың 30 қаңтарында ТҮРКПА-ға мүше мемлекеттердің сарапшылары мен Хатшылық өкілдерінен тұратын топ өзінің алғашқы отырысын өткізді. Тараптар модельдік заң жобасы бойынша өз ойларымен бөлісіп, оның табысты дамуына ізгі ниеттерін білдірді. Бас хатшының орынбасары Сакы Садыков өз сөзінде модельдік заң жобасының маңыздылығына тоқталып, оның мұғалімдердің құқықтық мәртебесін көтеруге, олардың шығармашылығына қолайлы жағдай жасауға бағытталғанын айтты. Отырысты Комиссия хатшысының міндетін атқарушы Әйгерім Таалайбекова жүргізді. Сарапшылар тобы «Мұғалім мәртебесі туралы» модельдік заң жобасын пысықтау бойынша үш онлайн отырыс өткізді. Кездесулер барысында сарапшылар модельдік заң жобасы бойынша нақты және мазмұнды ұсыныстар берді. Кездесулерде құжат жобасы төңірегінде пікір алмасу, тараптар жағынан айтылған ұсыныстарды сараптау, негізді ұсыныстар қабылдау басты назарда болды. 2025 жылғы 4 наурызда Сарапшылар тобы өзінің қорытынды отырысын өткізіп, Комиссияға ұсынылатын құжаттың түпкілікті нұсқасын әзірледі.