Башкы катчы ТМУга мүчө мамлекеттердин ӨЭУдун Тилектештик форумунун ачылыш аземине катышты

2025-жылдын 24-ноябрында Түрк мамлекеттердин Парламенттик Ассамблеясынын Башкы катчысы Элчи Рамил Хасан Бакуда Азербайжан Республикасынын Мамлекеттик эмес уюмдарды мамлекеттик колдоо боюнча агенттиги тарабынан уюштурулган ТМУга мүчө мамлекеттердин Мамлекеттик эмес уюмдарынын тилектештик форумунун ачылыш аземине катышты. Түрк мамлекеттердин 500дөн ашуун өкүлдөрү катышкан иш-чара көргөзмө жана мүчө мамлекеттердин маданий жетишкендиктерин, тарыхый байланыштарын, жалпы баалуулуктарын жана кызматташтыгын баяндаган видеоролик менен ачылды. Форумдун ачылышында Азербайжан Республикасынын Президентинин жардамчысы - Азербайжан Республикасынын Президенттик Администрациясынын Тышкы саясат иштери боюнча бөлүмдүн башчысы Хикмат Хажиев Президент Илхам Алиевдин Түрк Мамлекеттер Уюмунун мамлекеттик эмес уюмдарынын ортосундагы кызматташтыктын маанилүүлүгүн баса белгилеген катышуучуларга жолдонгон кайрылуусун окуп берди жана форум Түрк элдеринин биримдигин жана тилектештигин бекемдейт деген ишенимди билдирип, Азербайжандын ушул сыяктуу биргелешкен долбоорлорду колдоосундагы учурдагы төрагалык милдетин баса белгиледи. Форум панелдик талкуулар жана жетишилген макулдашууларды чагылдырган, кызматташтыктын келечектеги багыттарын белгилеген биргелешкен декларацияны кабыл алуу менен уланды.