Башкы катчы Бакуда өткөн Эл аралык парламенттик конференцияга катышты

2024-жылдын 7-декабрында Башкы катчы Мехмет Сүрейя Эр Азербайжан Республикасынын Милли Межлиси тарабынан уюштурулган "Парламентаризм: салттар жана перспективалар" аттуу Эл аралык парламенттик конференцияга катышты. Конференцияга 13 өлкө парламентинин жана эл аралык уюмдардын 100гө жакын өкүлү катышты. Иш-чарада дүйнөлүк процесстердеги парламенттердин ролу, парламенттик салттарды өнүктүрүү, парламенттик дипломатиянын потенциалы жана заманбап глобалдык чакырыктардын контекстинде иш-чаралардын салымы талкууланды. Иш-чараны ачкан Милли Межлистин Төрйымы, ТҮРКПАнын учурдагы Төрайымы Сахиба Гафарова конференциянын катышуучуларын куттуктады. Ал белгилегендей, өлкөнүн саясий турмушунда парламенттердин ролу талашсыз, анткени алар мыйзам чыгаруу функцияларын аткарып, башкарууга активдүү катышат. Конференциянын жүрүшүндө катышуучулар Милли Мажлистин башка өлкөлөрдүн парламенттери жана эл аралык уюмдар менен тыгыз кызматташтыгын баса белгилешти. Бул контекстте ТҮРКПАнын парламенттик дипломатия менен алектенген, мүчө парламенттер арасында гана эмес, башка парламенттер аралык институттар менен диалогду өнүктүрүүгө көмөктөшүүчү, ошону менен бирге регионалдык кызматташтыкка салым кошкон олуттуу уюм катары негизги ролу баса белгиленди. Конференцияда Башкы катчы Мехмет Сүрейя Эр да сөз сүйлөп, Азербайжан парламентинин 106 жылдыгынан улам чын жүрөктөн куттуктоосун билдирди. Ал мүчө-мамлекеттердин туруктуу өнүгүүсүнө жана аймактык интеграцияга көмөктөшүү үчүн парламенттер аралык диалогду күчөтүүнүн маанилүүлүгүн белгиледи. Милли Межлистин ТҮРКПАнын ишмердүүлүгүнө ар дайым колдоо көрсөтүп келе жатканын баса белгилеп, Башкы катчы мындан аркы элге кызмат кылууда жана демократиялык баалуулуктарды чыңдоодо Парламенттин ишмердүүлүгүнө ийгиликтерди каалады.