Башкы катчы Азербайжандын Акыйкатчысы менен жолугушту

2022-жылдын 12-апрелинде Башкы катчы Мехмет Сүрейя Эр мырза жетектеген ТҮРКПАнын делегациясы Азербайжан Республикасынын Адам укуктары боюнча комиссары (Акыйкатчысы) Сабина Алиева айым менен жолугушту. Алиева айым ТҮРКПАнын делегациясын жылуу кабыл алып, Башкы катчыга жасаган сапары үчүн ыраазычылыгын билдирди. Тараптар бири-бирине тиешелүү институттардын ишмердүүлүгү жөнүндө маалымат беришип, түрк дүйнөсүндөгү кызматташтыкты өнүктүрүү, анын ичинде түрк мамлекеттеринин Акыйкатчы институттарынын өз ара аракеттенүүсү боюнча пикир алмашышты. Тараптар ошондой эле 2022-жылдын 24-майында Баку шаарында болуп өтө турган ТҮРКПАга мүчө мамлекеттерде адам укуктарын коргоого арналган конференцияга байланыштуу маселелерди талкуулашты. Азербайжан Республикасынын Акыйкатчы институту 2002-жылы түзүлгөн. Азербайжан Республикасынын Адам укуктары боюнча комиссары (Акыйкатчысы) Сабина Алиева айым Азия Акыйкатчыларынын Ассоциациясынын Директорлор кеңешинин Вице-президенти жана Ислам Кызматташтык Уюмунун Акыйкатчы Ассоциациясынын Директорлор кеңешинин мүчөсү болуп саналат.