Башкы катчы АӨИЧК Тышкы иштер министрлер кеңешинин 7-отурумуна катышты

2024-жылдын 17-декабрында Башкы катчы Мехмет Сүрейя Эр Азербайжан тарабынан виртуалдык форматта уюштурулган Азиядагы өз ара аракеттенүү жана ишеним чаралары боюнча Кеңешменин Тышкы иштер министрлер кеңешинин 7-отурумуна катышты. 2024-2026-жылдарга АӨИЧКдагы төрагалык Азербайжанга өткөрүлүп берилген жыйынга тышкы иштер министрлери, мамлекеттик министрлер, тышкы иштер министрлеринин орун басарлары жана байкоочу мамлекеттердин жана өнөктөш эл аралык уюмдардын өкүлдөрү катышты. Жыйынга регионалдык кызматташтыкты чыңдоо, тынчтыкты камсыздоо жана Азияда туруктуу өнүгүүгө көмөк көрсөтүү маселелери талкууланды. Ачылыш сөзүндө Казакстан Республикасынын Вице-премьер-министри – Тышкы иштер министри Мурат Нуртлеу Казакстандын АӨИЧКга төрт жылдык төрагалыгынын негизги жетишкендиктери, анын ичинде институционалдык реформалары, кеңейтилген ишеним чаралары жана туруктуу иштеген Акылмандар кеңеши, Аналитикалык борборлор форуму жана АӨИЧК фонду сыяктуу үч органды түзүлгөнү жөнүндө маалымат берди. Жыйында сөз сүйлөп, Азербайжан Республикасынын Тышкы иштер министри Жейхун Байрамов бардык мүчө-мамлекеттерге 2024-2026-жылдарга АӨИЧКга төрагалык кылууну Азербайжанга тапшырганы жана бир добуштан колдоосу үчүн ыраазычылык билдирди. Министр көп полярдуулук жана көп тараптуулук жаңы чакырыктарга туш болуп жаткандыктан, Азия биримдик, кызматташтык жана жалпы жоопкерчилик менен жооп бериши керектигин баса белгиледи. Азербайджандын АӨИЧКга төрагалыгы "АӨИЧКны бекемдөө – Азиядагы өз ара байланыш, санариптештирүү жана туруктуу өсүү" урааны астында өтөөрүн белгилеп кетти. Ал белгилегендей, Азербайжандын уюмдагы төрагалыгы учурундагы ыйгарым укуктарынын артыкчылыктары үч негизги багытка багытталат: АӨИЧКны трансформациялоо жана институционалдык өнүктүрүү, ишенимди чыңдоочу чараларды ишке ашыруу аркылуу тармактык кызматташтыкты чыңдоо жана АӨИЧК менен башка эл аралык жана аймактык уюмдардын ортосундагы синергетикага көмөктөшүү.