Бас хатшы ТҮРКСОЙ-дың 30 жылдығына арналған іс-шараларға қатысты

2023 жылғы 18-19 маусымда Бас хатшы Мехмет Сүрейя Эр Өзбекстан Республикасы Мәдениет және туризм министрлігі мен Халықаралық Түркі мәдениеті ұйымы (ТҮРКСОЙ) бірлесіп ұйымдастырған ТҮРКСОЙ-дың құрылуының 30 жылдығына арналған іс-шараларға қатысты. 18 маусымда қатысушылар Өзбек мемлекеттік қолданбалы өнер мұражайында картиналар, фотосуреттер мен қолөнер көрмесіне қатысып, Түркі халықтарының ұлттық тағамдарының үлгілерімен танысты. 19 маусымда ТҮРКСОЙ мүше елдердің халық әртістерінің қатысуымен мерекелік гала-концерт өтті. Концерттік бағдарламаны Өзбекстан Республикасы Президентінің Мемлекеттік кеңесшісі Хайриддин Сұлтанов ашып, Өзбекстан Республикасының Президенті Шавкат Мирзиеевтің атынан ТҮРКСОЙ-дың 30 жылдығына орай құттықтау хатын оқыды. Іс-шарада Өзбекстан Республикасының Мәдениет және туризм министрі Озодбек Назарбеков сөз сөйледі. Іс-шара барысында Түркі әлеміне сіңірген еңбегі мен қосқан үлесін мойындайтын ТҮРКСОЙ Алтын медалімен Назарбеков мырза марапатталды. Марапатты ТҮРКСОЙ Бас хатшысы Сұлтанбай Раев табыстады. Өзбекстан Республикасының еңбек сіңірген мемлекет, қоғам және мәдени қайраткерлері де мерейтойлық медальдармен марапатталды. Концерттік бағдарлама Түркі халықтарының ұлттық әндері мен билерімен жалғасты.