Бас хатшы Қазақстан Республикасы ОСК Төрағасымен кездесті

2025 жылғы 13 мамырда Бас хатшы Мехмет Сүрейя Эр Қазақстан Республикасы Орталық сайлау комиссиясының (ОСК) Төрағасы Нұрлан Әбдіровпен кездесті. Кездесу Бас хатшының Түркі мемлекеттері ұйымдарына (ТМҰ) мүше мемлекеттердің Орталық сайлау органдарының консультативтік платформасы (ОСОКП) туралы Ережеге қол қою рәсіміне және осыған байланысты іс-шараларға қатысу үшін Қазақстанның Түркістан қаласына сапары аясында өтті. ОСК Төрағасы Нұрлан Әбдіров ТҮРКПА делегациясын қарсы алып, ТҮРКПА Бас хатшысының осы сапарға қатысуының маңыздылығын атап өтті. Әбдіров мырза Қазақстан Республикасының Президенті Қасым-Жомарт Тоқаевтың бастамасымен ОСОКП құру бастамасын, оны Түркі мемлекеттерінің барлық басшылары қолдағанын білдірді. Әр Түркі мемлекеттің сайлау саласында өз тәжірибесі бар екенін атап өткен ОСК Төрағасы Платформаның отырыстары мен осы тәжірибелермен бөлісу барлық Түркі мемлекеттері үшін тиімді болатынын айтты. Ол ТҮРКПА-ның сайлаулар мен референдумдарды бақылауға қатысуына тоқталып, ТҮРКПА-ның халықаралық құрылым ретіндегі маңызды рөліне баса нараз аударды. Әбдіров орталық сайлау органдары мен халықаралық ұйымдар басшыларының Түркістан қаласына сапары бағдарламасымен де таныстырды. Бас хатшы Мехмет Сүрейя Эр шараға қатысуға шақырғаны үшін ризашылығын білдіріп, Түркі әлемінің рухани астанасы Түркістан қаласына және Қожа Ахмет Ясауидің ордасына тағы бір рет келуге қуанышты екенін жеткізді. Ол ТҮРКПА қызметі бағыттарының бірі ретінде сайлаулар мен референдумдарды байқауға тоқталып, ТҮРКПА байқау миссияларының мақсаты сайлаулар мен референдумдардың ұлттық заңнамаға және халықаралық стандарттарға сәйкестігін бағалау және сонымен бірге демократиялық құндылықтарды ілгерілетуге үлес қосу екенін атап өтті. Бас хатшы сапардың бай және мазмұнды бағдарламасына тоқталды. Ол Платформаның құрылуының маңыздылығына тоқталып, бұл сайлау саласындағы ынтымақтастықты нығайтуға серпін беретінін білдірді. Отырысқа Қазақстан Республикасы ОСК мүшесі Асылбек Смағұлов және ТҮРКПА Хатшылығының қызметкерлері Азар Маммадов пен Шахида Мехдиева да қатысты.