Бас хатшы Әзербайжан Парламентінің Комитет төрағасымен кездесті

2023 жылдың 8 желтоқсанында Бас хатшы Мехмет Сүрейя Эр Әзербайжан Республикасы Милли Меджлисінің Сыртқы істер және парламентаралық байланыстар комитетінің Төрағасы Самед Сейідовпен кездесті. Түркі әлемі сияқты геосаяси құбылыстың маңыздылығын атап өтіп, Сейідов мырза Түркі мемлекеттері арасындағы қатынастарды нығайтуға бағытталған ТҮРКПА қызметін жоғары бағалады. Эр мырза жылы қабылдағаны үшін ризашылығын білдіре отырып, осы тұрғыда Түркі ынтымақтастығының парламенттік өлшемі ретіндегі ТҮРКПА-ның маңыздылығына тоқталды. Тараптар Ассамблея аясындағы ынтымақтастықтың аспектілерін талқылады.