Бакуде ТҮРКПА-ның 15 жылдығына арналған конференция мен қабылдау өтті

2023 жылғы 21 қарашада ТҮРКПА Бакуде өзінің құрылғанының 15 жылдығына арналған «ТҮРКПА-ның 15 жылдығы: өткеннің тәжірибесі, бүгіннің ақиқаты мен болашаққа көзқарас» тақырыбында конференция ұйымдастырды. Іс-шараға Түркі мемлекеттерінің парламенттік делегациялары, парламентаралық ұйымдардың, Түркі ынтымақтастығы ұйымдарының және басқа да әріптестік институттардың өкілдері, сондай-ақ Бакуде аккредиттелген Түркі мемлекеттерінің дипломатиялық миссияларының басшылары қатысты. Өзінің кіріспе сөзінде Бас хатшы Мехмет Сүрейя Эр қатысушыларды құттықтап, өткен он бес жыл ішінде ТҮРКПА ұйымның болашақ қызметі үшін үлкен тәжірибе ретінде берік негіз қалағанын атап өтті. Ол соңғы он бес жылда Ассамблея іске қосқан ынтымақтастықтың әртүрлі тетіктері мен форматтары туралы айтты. Бас хатшы ТҮРКПА Түркі әлеміндегі қарқынды дамып келе жатқан ынтымақтастық үдерістерінің алдыңғы қатарында екенін, ал он бес жылдық оң тәжірибе мен бүгінгі күннің шындығы Ассамблея аясындағы ынтымақтастықтың жарқын болашағына сенімді түрде қарауға мүмкіндік беретінін атап өтті. Конференцияда ТҮРКПА-да төрағалық етіп жатқан Түркия Ұлы Ұлттық Жиналысы Спикерінің орынбасары Бекир Боздаг, Түркия Ұлы Ұлттық Жиналысының депутаттары Осман Местен мен Тахир Акюрек, Әзербайжан Республикасы Милли Меджлисінің депутаттары Малахат Ибрагимгызы мен Фазиль Мұстафа, Қырғыз Республикасы Жогорку Кенешінің депутаты Дастанбек Жұмабеков, ТҮРКПА бұрынғы Бас хатшысы, Әзербайжан Республикасы Милли Меджлисінің депутаты Рамиль Гасан, ЖОТ ПА Түрік делегациясының басшысы Атай Услу, ҚТЭЫ ПА Бас хатшысы Асаф Гаджиев, Түркі академиясының Президенті Шахин Мұстафаев, Түркі мәдениеті және мұрасы қорының тұңғыш Президенті Гүнай Афандиева, ТМҰ Бас хатшысының орынбасары Сади Джафаров, АӨСШК Бас хатшысының орынбасары Чжан Линг, ТМД ПАА Бас хатшысының орынбасары Айдын Джафаров, «Манас» қырғыз-түрік университетінің Ректоры Алпаслан Джейлан, Түркі сауда-өнеркәсіп одағының Директорлар кеңесінің мүшесі Мамед Мұсаев және ТӘМО Бас хатшысы Фахри Солак сөз сөйледі. Конференцияның модераторы ТҮРКПА Құқықтық мәселелер және халықаралық қатынастар жөніндегі комиссиясының Төрағасы, Түркия Ұлы Ұлттық Жиналысының депутаты Осман Местен болды. Қатысушылар ТҮРКПА құрылғанының 15 жылдығымен және соңғы он бес жылдағы жетістіктерімен құттықтап, Түркі әлеміндегі ынтымақтастық перспективалары туралы пікір алмасты. Конференция сүретке түсумен аяқталды. Сол күні ТҮРКПА Түркі мемлекеттерінің парламенттік делегацияларының, парламентаралық ұйымдар, Түркі ынтымақтастығы ұйымдары, серіктестік институттар мен Бакуде аккредиттелген дипломатиялық корпус өкілдерінің қатысуымен өзінің құрылғанына 15 жыл толуына арналған қабылдау өткізді. Қонақтардың алдында Бас хатшы Мехмет Сүрейя Эр және Әзербайжан Республикасы Милли Меджлисі Төрағасының бірінші орынбасары Али Гусейнли сөз сөйледі. Іс-шарада ТҮРКПА қызметі туралы бейнеролик және музыкалық бағдарлама көрсетілді.