Бакуде ТҮРКПА Кеңесінің отырысы өтті

2024 жылғы 6 маусымда Бакуде Әзербайжан Республикасы Милли Меджлисінің ұйымдастыруымен ТҮРКПА-ның Он үшінші Пленарлық отырысы аясында Ассамблея Кеңесінің отырысы өтті. Жиынға Кеңес мүшелері – Әзербайжан Республикасы Милли Меджлисінің Төрайымы Сагиба Гафарова, Қазақстан Республикасы Парламенті Мәжілісінің Төрағасы Ерлан Қошанов, Қырғыз Республикасы Жогорку Кенешінің Төрағасы Нурланбек Шакиев, Түркия Ұлы Ұлттық Жиналысының Төрағасы Нуман Куртулмуш, сондай-ақ ТҮРКПА Бас хатшысы Мехмет Сүрейя Эр қатысты. ТҮРКПА-ның Іс басындағы Төрағасы, Түркия Ұлы Ұлттық Жиналысының Төрағасы Нуман Куртулмуштың алғы сөзінен кейін ТҮРКПА төрағалығын Түркия Ұлы Ұлттық Жиналысынан Әзербайжан Республикасының Милли Меджлисіне тапсыру рәсімі өтті. Отырыс барысында Парламент басшылары сөз сөйледі. Әзербайжан Республикасы Милли Меджлисінің Төрайымы Сагиба Гафарова ТҮРКПА-ның жаңа Төрайымы ретінде Түркия Ұлы Ұлттық Жиналысының төрағалығы кезіндегі қызметі үшін түрік әріптесіне ризашылығын білдірді. Кеңес күн тәртібіндегі қаралған мәселелер бойынша шешімдер қабылдады. Кеңес ТҮРКПА Сайлау мен референдумды бақылау миссияларының қорытынды есептерінің жобасын, күн тәртібінің жобасын және Он үшінші Пленарлық отырыс Баку декларациясының жобасын мақұлдады, Ассамблеяның жаңа туы мен логотипін қабылдады. Ассамблея Кеңесі ТҮРКПА тұрақты комиссияларының төрағалары мен төрағаларының орынбасарларының және Бас хатшысы орынбасарының кандидатураларын мақұлдады әрі ТҮРКПА-ның Білім, мәдениет, әлеуметтік және гуманитарлық мәселелер жөніндегі комиссиясының хатшысын сайлады.