Әзербайжанның ТМҰ Ақсақалдар кеңесіндегі өкілі ТҮРКПА Хатшылығына келді

2023 жылғы 20 қарашада мемлекет қайраткері, Әзербайжанның Түркі мемлекеттері ұйымының Ақсақалдар кеңесіндегі өкілі Гасан Гасанов Бас хатшы Мехмет Сүрейя Эрға ізеттілік сапарымен келді. Тараптар Түркі ынтымақтастығының дамуы туралы пікір алмасып, одан әрі нығаюына үміт білдірді. Кездесу барысында Гасанов мырза әзербайжан тілінен түрік тіліне Түркі академиясы аударған Әзербайжан халқының Ұлттық көшбасшысы Гейдар Әлиевтің 100 жылдығына арналған «Гейдар Әлиев: жарқын, харизматикалық тұлға туралы естеліктер» атты кітабын Эр мырзаға сыйға тартты. Гасан Гасанов – белгілі саясаткер, мемлекет қайраткері, дипломат, ғалым, тарих ғылымдарының докторы. Ол Әзербайжан КСР Министрлер Кеңесінің Төрағасы және Әзербайжан Республикасының БҰҰ жанындағы алғашқы Тұрақты өкілі және алғашқы Төтенше және Өкілетті Елшісі болды. 1990-1992 жылдары Әзербайжан Республикасының Премьер-Министрі болды. 1992-1993 жылдары Әзербайжан Республикасының БҰҰ жанындағы (Нью-Йорк) Тұрақты өкілі, Төтенше және Өкілетті Елшісі болып жұмыс істеді. 1993-1998 жылдары Әзербайжанның Сыртқы істер министрі болып жұмыс атқарды. Ол Әзербайжанның Мажарстан мен Польшадағы Төтенше және Өкілетті Елшісі қызметін де атқарды. Гасанов мырза 23 жыл бойы Кеңес Одағы мен Әзербайжан парламенттерінің депутаты болды. Сонымен қатар Гасан Гасанов ғылыми және көркем шығармашылықпен айналысады. Ол «Әзербайжан деп аталатын мемлекетті құру» монографиясының және данышпан ойшыл мырза Фатали Ахундовтың өмірі мен шығармашылығына арналған «Брюссельден келген хаттар» пьесасының, сондай-ақ бірқатар монографиялардың, шығармалар жинақтарының, көптеген қойылымдар мен мақалалардың авторы. Ол Бакуде «Адамзат қоғамының саяси генезисі тарихының философиясы» және Тбилисидегі «Ұлттық мемлекеттілік пен Нариман Наримановтың қызметі туралы көзқарастар» тақырыптарында екі докторлық диссертация қорғады.