Әзербайжан СІМ Лашынға сапар ұйымдастырды

2023 жылғы 24 маусымда ТҮРКПА Экономикалық ынтымақтастық жөніндегі комиссиясының хатшысы Бауыржан Датқаев Әзербайжан Республикасының Сыртқы істер министрлігі ұйымдастырған Лашын ауданына сапарға қатысты. Сапарға 33 елден және 10 халықаралық ұйымдардан 60-қа жуық дипломаттар мен әскери атташелер қатысты. Қонақтар Лашында жүргізілген қайта құру және абаттандыру жұмыстарымен танысып, алғашқы тұрғын үй кешеніне, сондай-ақ салынып жатқан агроөнеркәсіптік саябаққа барды. Қатысушыларға Хакари өзенінің жағасында салынған «Лашын бульвары» және Забух ауылындағы құрылыс жұмыстары туралы егжей-тегжейлі ақпарат берілді. Бағдарлама сонымен қатар Зангилан ауданының Агалы ауылына баруды қамтыды, онда қатысушылар Агалыда жүзеге асырылып жатқан «Smart village» жобасымен танысты.