Әзербайжан Республикасының Президенті ТҮРКПА делегациясын қабылдады

2024 жылғы 6 маусымда Әзербайжан Республикасының Президенті Ильхам Әлиев құрамында Қазақстан Республикасы Парламенті Мәжілісінің Төрағасы Ерлан Қошанов, Қырғыз Республикасы Жогорку Кенешінің Төрағасы Нурланбек Шакиев, Түркия Ұлы Ұлттық Жиналысының Спикері Нуман Куртулмуш, Өзбекстан Республикасы Олий Мажлисі Сенатының Төрайымы Танзила Нарбаева, Солтүстік Кипр Түрік Республикасы Ассамблеясының Төрағасы Зорлу Төре, Мажарстан Мемлекеттік Жиналысы Төрағасының орынбасары Марта Матрай және ТҮРКПА Бас хатшысы Мехмет Сүрейя Эр бар ТҮРКПА делегациясын қабылдады. Президент Ильхам Әлиев ТҮРКПА-ның 13-ші Пленарлық отырысына қатысу үшін Бакуге келген делегация мүшелерін қарсы алып, алдағы Пленарлық отырыс нәтижелі болатынына сенім білдірді. Мемлекет басшысы Әзербайжанның сыртқы саясатының негізгі басымдықтарының бірі Түркі мемлекеттерімен қарым-қатынасты нығайту және жалпы Түркі әлемінің дамуына үлес қосу екенін атап өтіп, осы бағыттағы ынтымақтастықтың табысты дамып келе жатқанына ризашылығын білдірді. ТҮРКПА делегациясы жылы қабылдау және Түркі әлеміндегі парламенттік ынтымақтастығын одан әрі қолдауға бел байлау үшін алғыс білдірді. Делегация сондай-ақ Әзербайжанның аумақтық тұтастығы мен егемендігінің толық қалпына келуімен құттықтауларын білдіріп, Қарабақ аймағының тез қалпына келтірілгеніне қанағаттанушылық көрсетті.