Ашхабадта ТҮРКСОЙ-ға мүше мемлекеттердің ЮНЕСКО істері жөніндегі Ұлттық комиссияларының 10-шы отырысы өтті

2024 жылғы 16 мамырда Бас хатшы Мехмет Сүрейя Эр Түрікменстанның Ашхабад қаласында Түркіменстанның ЮНЕСКО істері жөніндегі Ұлттық комиссиясы мен Түркі мәдениеті халықаралық ұйымы (ТҮРКСОЙ) бірлесіп ұйымдастырған ТҮРКСОЙ-ға мүше мемлекеттердің ЮНЕСКО істері жөніндегі Ұлттық комиссияларының 10-шы отырысына қатысты. Кездесуге Әзербайжан, Қазақстан, Қырғызстан, Түркия, Түрікменстан, Мажарстан және Моңғолиядан делегациялар келді. Түрікменстанның Сыртқы істер министрі және Түркіменстанның ЮНЕСКО істері жөніндегі Ұлттық комиссиясының Төрағасы Рашид Мередов, ТҮРКСОЙ ұйымының Бас хатшысы Сұлтан Раев, Түркі мәдениеті мен мұрасы қорының Президенті Ақтоты Райымқұлова, Түркі академиясының Вице-президенті Асхат Кесікбаев, Түркияның ЮНЕСКО істері жөніндегі Ұлттық комиссиясының Президенті Өджал Огуз, Әзербайжан Республикасының ЮНЕСКО істері жөніндегі Ұлттық комиссиясының Бас хатшысы Сеймур Фаталиев, ЮНЕСКО-ның Алматы Аймақтық кеңсесінің директоры (жауапты қызметкері) Амир Пирич, Қазақстан Республикасының ЮНЕСКО істері жөніндегі Ұлттық комиссияның жауапты хатшысы Жанар Шайменова, Қырғыз Республикасының ЮНЕСКО істері жөніндегі Ұлттық комиссиясының жауапты хатшысы Сабира Солтонгелдиева, сондай-ақ іс-шараға басқа да қонақтар қатысты. Ашылу сөзімен Түркіменстанның Сыртқы істер министрі, Түркіменстанның ЮНЕСКО істері жөніндегі Ұлттық комиссиясының Төрағасы Рашид Мередов, ТҮРКСОЙ Бас хатшысы Сұлтан Раев, Әзербайжан Республикасының ЮНЕСКО істері жөніндегі Ұлттық комиссиясының хатшысы Сеймур Фаталиев және Түркіменстанның ЮНЕСКО жанындағы Ұлттық комиссиясының атқарушы хатшысы Чинар Рустамова сөз сөйледі. Жиында Бас хатшы Мехмет Сүрейя Эр де сөз сөйледі. Бас хатшы мәдени мұраны қорғау және білім беруді дамыту мәселелеріне арналған кездесу білім берудің маңыздылығын, мәдени әртүрлілік құндылықтарын, толеранттылықты, өзара құрмет пен түсіністікті насихаттауға ықпал ететініне сенім білдірді. Қатысушылар материалдық және материалдық емес мұраға қатысты мәселелерді, сондай-ақ перспективалық бірлескен жобаларды талқылап, тиісті ұйымдар мен ұлттық комиссиялардың бірлескен күш-жігері мен бірлескен іс-әрекеті Түркі елдері арасындағы мәдени туризмді дамытуға септігін тигізетініне сенім білдірді. Жиын барысында платформа төрағалығы Әзербайжаннан Түрікменстанға берілді. Сондай-ақ шара аясында «Түркі әлемінің мәдени мұрасын қорғау конвенциясының аясындағы ынтымақтастық» атты семинар ұйымдастырылды. Семинарды Түркі мәдениеті мен мұрасы қорының Президенті Ақтоты Райымқұлова жүргізді.