Астанада ТҮРКПА Кеңесінің отырысы өтті

2025 жылғы 12 маусымда Астанада Қазақстан Республикасы Парламенті ұйымдастырған ТҮРКПА-ның он төртінші пленарлық отырысы аясында Ассамблея Кеңесінің отырысы өтті. Кеңес мүшелері – Әзербайжан Республикасы Милли Меджлисінің Төрайымы Сагиба Гафарова, Қазақстан Республикасы Парламенті Мәжілісінің Төрағасы Ерлан Қошанов, Қырғыз Республикасы Жогорку Кенешінің Төрағасы Нурланбек Тургунбек уулу, Түркия Ұлы Ұлттық Мәжілісінің Төрағасы Нуман Куртулмуш, сондай-ақ ТҮРКПА Бас Хатшысы Мехмет Сүрейя Эр отырысқа қатысты. ТҮРКПА-ның Іс басындағы Төрайымы, Әзербайжан Республикасы Милли Меджлисінің Төрайымы Сагиба Гафарованың отырысты ашу сөзінен кейін ТҮРКПА төрағалығын Әзербайжан Республикасының Милли Меджлисінен Қазақстан Республикасы Парламентіне тапсыру рәсімі өтті. Отырыс барысында Парламент басшылары сөз сөйледі. Қазақстан Республикасы Парламенті Мәжілісінің Төрағасы Ерлан Қошанов ТҮРКПА-ға төрағалық етуді қабылдап, ТҮРКПА-ның жаңа Іс басындағы Төрағасы ретінде сәлемдеме сөз сөйледі. Кеңес күн тәртібіндегі мәселелер бойынша шешімдер қабылдады, оның ішінде, басқаларымен қоса, ТҮРКПА сайлауды байқау миссияларының қорытынды есептерінің жобаларын, 2026 жылға арналған бюджет жобасын, 14-ші жалпы отырыстың Астана декларациясының жобасын бекіту, 2026 жылға арналған іс-шаралар жоспарын қабылдау, сондай-ақ тұрақты комиссияларының төраға орынбасарлары, Бас хатшы, Бас хатшының орынбасары лауазымдарына кандидатуралар бекіту және Комиссия хатшыларын сайлау. ТҮРКПА Білім, мәдениет, әлеуметтік және гуманитарлық мәселелер жөніндегі комиссиясының хатшысы болып Әйгерім Таалайбекова сайланды, ТҮРКПА Құқықтық мәселелер және халықаралық қатынастар комиссиясының хатшысы болып Кадир Яман қайта сайланды.