Астанада ТМҰ оныншы Саммиті өтті

2023 жылғы 3 қарашада Бас хатшы Мехмет Сүрейя Эр Қазақстанның Астана қаласында өткен Түркі мемлекеттері ұйымының оныншы Саммитіне қатысты. Қазақстан Республикасының Президенті Қасым-Жомарт Тоқаев төрағалығымен өткен Саммитке Әзербайжан Республикасының Президенті Ильхам Әлиев, Қырғыз Республикасының Президенті Садыр Жапаров, Түркия Республикасының Президенті Режеп Тайып Ердоған, Өзбекстан Республикасының Президенті Шавкат Мирзиеев, Түрікменстан Халық кеңесінің Төрағасы Гурбангулы Бердімұхамедов пен Мажарстан Премьер-Министрі Виктор Орбан қатысты. Іс-шараға ТМҰ Ақсақалдар кеңесінің мүшелері мен Түркі ынтымақтастығы ұйымдарының басшылары да қатысты. Саммит барысында ұйымға төрағалық ету Өзбекстаннан Қазақстанға өтті. Мемлекет басшылары Түркі әлемі аясындағы ынтымақтастықты тереңдетуге және Түркі мемлекеттері арасындағы ынтымақтастықты нығайтуға өздерінің мызғымас ұстанымдарын атап өтті. Саммит Астана актісін қабылдап, 6 ақпанды «Түркі әлемінің табиғи апат құрбандарын еске алу және ынтымақтастық күні» деп жариялады. Экономикалық ынтымақтастық ұйымына ТМҰ-на бақылаушы мәртебесі берілді. Өзбекстан Республикасының Президенті Шавкат Мирзиеев «Түркі әлемінің жоғары орденімен» марапатталды. Мемлекет басшылары Оныншы Саммит Декларациясына қол қойды. Келесі Саммитті 2024 жылы Қырғыз Республикасында өткізу туралы шешім қабылданды. Саммиттің алдында Сыртқы істер министрлері кеңесінің отырысы өтіп, оның барысында ұйымның күн тәртібіндегі түрлі мәселелер талқыланды. Жиынға Бас хатшы Мехмет Сүрейя Эр де қатысып, сөз сөйледі.