Астанада АӨИЧКнын 6-саммити өттү

2022-жылдын 12-13-октябрында Башкы катчынын орун басары Талгат Адуов Астанада Азиядагы өз ара аракеттенүү жана ишеним чаралары боюнча Кеңешменин (АӨИЧК) 30 жылдыгына карата уюштурулган АӨИЧКнын 6-саммитине катышты. Саммитке 11 мүчө-мамлекеттин жана өкмөт башчыларынын, министрлеринин, элчилеринин, ошондой эле эл аралык уюмдардын өкүлдөрү жетектеген жогорку деңгээлдеги делегациялар катышты. Саммиттин күн тартиби АӨИЧКны толук кандуу регионалдык эл аралык уюмга айландыруу, АӨИЧК фондун түзүү, ошондой эле Кувейтти уюмга мүчө катары кабыл алуу сыяктуу маселелерди камтыган. Саммиттин жүрүшүндө Түркмөнстан АӨИЧКга байкоочу катары кошулду. Катышуучулар Азияда тынчтыкты жана коопсуздукту камсыз кылуу боюнча көп тараптуу мамилелерди өнүктүрүү аркылуу кызматташтыкты чыңдоо маселелерин талкуулашты. АӨИЧКны түзүүдөгү Казакстандын тарыхый жана негизги ролун эске алуу менен Казакстан Республикасынын 2022-2024-жылдарга АӨИЧКга төрагалыгын улантуу боюнча казак тараптын сунушу колдоого алынды. ТҮРКПА 2012-жылдан бери АӨИЧКда байкоочу статусуна ээ.