Анкарада ТҮРКСОЙ-дың 30 жылдығына арналған қабылдау өтті

2023 жылдың 12 желтоқсанында Бас хатшы Мехмет Сүрейя Эр Анкарадағы ТҮРКСОЙ-дың 30 жылдығына арналған қабылдауға қатысты. Іс-шараға мемлекеттік лауазымды тұлғалар, депутаттар, Түркі ынтымақтастығы ұйымдарының, дипломатиялық корпустың, академиялық топтардың өкілдері және басқа да қонақтар қатысты. ТҮРКСОЙ Бас хатшысы Сұлтан Раев өзінің құттықтау сөзінде кең ауқымда достардың ортасында осылай айтулы оқиғаны атап өтуге үлкен қуаныш білдірді. Ол Түркі ынтымақтастығы тек мәдениет саласында ғана емес, сонымен қатар саясат, білім, экономика, қауіпсіздік сияқты басқа да салаларда қарқынды дамып келе жатқанын атап өтті. Раев мырза Түркия Республикасының Үкіметіне 30 жылдан астам уақыт бойы қолдау көрсеткені үшін алғысын білдіріп, Түркі ынтымақтастығы сапалы жаңа деңгейге жетіп, дамуын және нығаюын жалғастыратынына сенім білдірді. Іс-шарада сөз сөйлеген қатысушылар ТҮРКСОЙ құттықтап, ұйымның алдағы уақытта да табысты қызметін жалғастыратынына сенім білдірді. Іс-шара аясында көрнекті мемлекет қайраткерлері ТҮРКСОЙ құрмет медальдарымен марапатталды. Іс-шара түрлі-түсті музыкалық және би бағдарламасымен аяқталды.