Айлана-чөйрө, табигый ресурстар жана саламаттыкты сактоо боюнча комиссиянын тогузунчу отуруму болуп өттү

2024-жылдын 27-майында Казакстан Республикасынын Парламентинин уюштурусунда Айлана-чөйрө, табигый ресурстар жана саламаттыкты сактоо боюнча комиссиянын тогузунчу жыйыны онлайн форматта өттү. Жыйындын күн тартибинин негизги маселеси "ТҮРКПАга мүчө мамлекеттерде медициналык таштандыларды башкаруу" болду. Жыйынды Комиссиянын Төрагасы, Азербайжан Республикасынын Милли Межлисинин депутаты Ахлиман Амирасланов алып барды. Иш-чарада Комиссиянын Төрагасынын орун басары, Түркия Улуу Улуттук Жыйынынын депутаты Ахмет Зенбилжи, Башкы катчы Мехмет Сүрейя Эр жана комиссиянын башка мүчөлөрү сөз сүйлөштү. Иш-чаранын жүрүшүндө ТҮРКПАга мүчө мамлекеттердин ортосунда медициналык таштандыларды башкарууну жакшыртуу жаатында көйгөйлүү чөйрөлөр жана келечектеги кызматташуунун артыкчылыктары талкууланды. Комиссиянын Төрагасынын орун басары Ахмет Зенбилжи, Комиссиянын Төрагасы Ахлиман Амирасланов жана Милли Межлистин Социалдык мыйзамдар бөлүмүнүн башчысы Адил Валиев тарабынан сунушталган Комиссиянын отчетун, сунуштамаларын жана "Тамеки заттарын колдонууну чектөө жөнүндө" моделдик мыйзамынын долбоорун жактырды. Документтер 2024-жылдын 5–6-июнунда Баку шаарында өтө турган ТҮРКПАнын он үчүнчү пленардык отурумунда сунушталат. Комиссия кезектеги жыйынын 2025-жылы Кыргыз Республикасында өткөрүү чечимин кабыл алды.