АДА университетинде маданий баалуулуктарды коргоо боюнча эл аралык конференция өттү

2022-жылдын 8-декабрында Башкы катчынын орун басары Ноорузбек Арстанбеков жана Комиссиянын катчысы Кундуз Рустембекова Азербайжан Республикасынын ЮНЕСКО иштери боюнча Улуттук комиссиясы, Эстеликтер жана ажайып жайлар боюнча эл аралык кеңештин (ЭАЭК) Азербайжандагы улуттук комитети, Музейлер боюнча эл аралык кеңештин (МЭК) Азербайжандагы Улуттук комитети жана АДА университетинин өнүктүрүү жана дипломатия институту биргелешип уюштурган “Маданий баалуулуктарды коргоо боюнча ЮНЕСКОнун конвенцияларынын ролу жана аларды ишке ашырууну жакшыртуу аспектилери” аттуу эл аралык конференцияга катышты. Конференцияга дипломатиялык корпустун, маданий жана илимий коомчулуктун өкүлдөрү, мамлекеттик ишмерлер катышты. Конференцияда сөз сүйлөгөндөр ЮНЕСКОнун жана анын конвенцияларынын алкагындагы милдеттердин аткарылышынын зарылдыгын жана бул контекстте Азербайжандын Карабактагы маданий мурастарын коргоонун маанилүүлүгүн белгилешти. Эл аралык конференция ар кандай темадагы панелдик сессиялар менен коштолду.