Улан Примов
Улан Примов
Қырғыз Республикасы Жогорку Кенешінің депутатыТҮРКПАның Қоршаған орта, табиғи ресурстар және денсаулық сақтау комиссиясының мүшесі
2000 ж. – Ош технологиялық университетінің Қаржы және экономика факультетін бітірген;
2004 ж. – Қашықтықтан оқу арқылы Ош мемлекеттік университетінің «Құқықтану» мамандығы бойынша Заң факультетін бітірді;
Өз жұмысын оқумен ұштастыра отырып, 1998 жылы темекі ферментациясы зауытында жұмысшы болып жұмыс істей бастады.
Жоғары білім алғаннан кейін Ош облысы Алай ауданының жетекші маманы, бас есепшісі, экономика және қаржы бөлімінің бастығы болып жұмыс істеді.
2004 ж. – «Паритет-Көмір» ЖШС құрып, 2014 жылға дейін директор болды;
2007 ж. – Ош қалалық Кеңесінің депутаты болып сайланды және Бюджет, экономика және қаржы жөніндегі тұрақты комиссияны басқарды.
2012 ж. – Ош қаласының Кенеш депутаты болып сайланды, 2014 жылдың қаңтарында үшінші шақырылымдағы қалалық Кенештің (Кеңестің) Төрағасы болып сайланды.
2015 жылғы 4 қазандағы сайлауда VI шақырылымдағы Қырғыз Республикасы Жогорку Кенешінің депутаты болып сайланды, сол жылдың қараша айында Қырғыз Республикасы Жогорку Кенешінің Бюджет және қаржы комитетінің депутаты болып сайланды.
2021 жылдың қараша айында № 11 Алай бір мандатты сайлау округінде VII шақырылымдағы Қырғыз Республикасы Жогорку Кенешінің депутаты болып сайланды.
2022 жылдың қаңтарынан қазанына дейін – Қырғыз Республикасы Жогорку Кенешінің Вице-Спикері болды.
2022 жылдың қазан айынан бастап қазіргі уақытқа дейін – Халықаралық істер, қорғаныс, қауіпсіздік және көші-қон комитетінің Төрағасы қызметін атқарады. Мемлекеттік қызметтің мемлекеттік кеңесшісі, 3-ші дәрежелі сыныптық шені бар, экономика ғылымдарының кандидаты.
Алай аудандық мемлекеттік әкімшілігінің, Ош облыстық қаржы басқармасының, Ош облыстық мемлекеттік әкімшілігінің, Қырғыз Республикасы Энергетика министрлігінің құрмет грамоталарымен марапатталған. Қырғыз Республикасының Қаржы министрлігінде және Қырғыз Республикасының Әлеуметтік қорында үздік атанған. Экономика ғылымдарының кандидаты дәрежесі бар. Қырғыз Республикасы Конституциясының 30 жылдығына орай Қырғыз Республикасының Президенті С.Жапаровтың мерейтойлық медалімен марапатталған.