1991-1997 жылдары Әзербайжан Медициналық университетінде оқып, оны үздік бітірді. Бұлбұл атындағы орта арнаулы музыка мектебін алтын медальмен бітірген.

2004-2008 жылдары Ыстамбұлдағы Әзербайжан Республикасының Бас консулдығында консул, 2009-2015 жылдары ЮНЕСКО істері бойынша Әзербайжан Республикасының Ұлттық комиссиясының бірінші хатшысы болып жұмыс істеді. 2015 жылдың 11 қыркүйегінде Астанада өткен Түркітілдес мемлекеттер ынтымақтастығы кеңесіне (қазіргі Түркі мемлекеттері ұйымы) мүше мемлекеттер басшыларының 5-ші Саммитінде Халықаралық Түркі мәдениеті мен мұрасы қорының тұңғыш Президенті болып тағайындалды. Астанада өткен Түркі мемлекеттері ұйымының 10-шы Саммитінде Қордың төрағалығының Қазақстан Республикасына тапсырылуына байланысты 2023 жылғы 3 қарашаға дейін бұл лауазымды атқарды.

2024 жылғы қыркүйекте 7-ші шақырылымдағы Әзербайжан Республикасы Милли Меджлисінің депутаты болып сайланды. Милли Меджлистің Мәдениет комитеті төрағасының орынбасары, Милли Меджлистің Денсаулық сақтау комитетінің мүшесі, ТҮРКПА Білім, мәдениет, әлеуметтік және гуманитарлық мәселелер жөніндегі комиссиясы төрағасының орынбасары.

Түрік мұрасы, мәдениетаралық диалог және мәдени дипломатия тақырыптарында жергілікті және халықаралық баспасөзде көптеген мақалалар мен жарияланымдардың авторы.

Түркі мәдени мұрасы мен мәдениетаралық диалогты ілгерілетуге қосқан үлесі үшін «Өзбекстанның мәдени Елшісі» құрметті атағы мен медалімен (2025 ж.), Венгрия Республикасының «Командор крестімен» (2024 ж.), Қырғыз Республикасы Президентінің «Құрмет» грамотасымен (2023 ж.), Қазақстанның Министр Төреқұлов атындағы медалімен (2023 ж.), ТҮРКСОЙ-дың мерейтойлық медалімен (2023 ж.), Қырғыз Республикасының Еңбек сіңірген мәдениет қайраткері (2023 ж.), «Манас» медалімен (2023 ж.), Қырғыз ұлттық университетінің құрметті профессоры атағымен (2022 ж.), Шыңғыс Айтматов атындағы медалімен (2021 ж.), Абай Құнанбаев атындағы медалімен (2020 ж.), Әзербайжан Дипломатиялық қызметінің 100 жылдығы медалімен (2019 ж.), Екінші дәрежелі Төтенше және Өкілетті Елші дипломатиялық дәрежесімен (2015 ж.), Әзербайжан Дипломатиялық қызметінің 90 жылдығы медалімен (2009 ж.), ЮНЕСКО-ның медальдары сияқты бірқатар ұлттық және халықаралық ордендермен, медальдармен және дипломдармен марапатталған.

Әзербайжан, түрік, орыс және ағылшын тілдерін біледі.