ТҮРКПА-ның Қоршаған орта, табиғи ресурстар және денсаулық сақтау комиссиясының оныншы жиналысы

2025 жылғы 14 наурызда Бішкек қаласында Қырғыз Республикасы Жогорку Кенешінің ұйымдастыруымен Қоршаған орта, табиғи ресурстар және денсаулықты сақтау жөніндегі комиссияның оныншы отырысы өтті.

Кездесуде «ТҮРКПА-ға мүше мемлекеттердің Тұрақты Даму Мақсаттары контекстіндегі экологиялық тұрақтылық және жасыл әлем саласындағы ынтымақтастығы» тақырыбы талқыланды.

Отырысты Әзербайжан Республикасы Милли Меджлисінің депутаты, Комиссия төрағасы Ахлиман Амирасланов жүргізді. Ашылу салтанатында Ахлиман Амирасланов және Комиссияның басқа да мүшелері — Қазақстан Республикасы Парламенті Мәжілісінің депутаты Дүйсенбай Тұрғанов (онлайн), Қырғыз Республикасы Жогорку Кенешінің депутаты Айсулуу Мамашова, Комиссия төрағасының орынбасары, Түркия Ұлы Ұлттық Жиналысының депутаты Ахмет Зенбилджи, Түркия Ұлы Ұлттық Жиналысының депутаты Кадим Дурмаз және ТҮРКПА Бас хатшысы Мехмет Сүрейя Эр сөз сөйледі. Баяндамалардан кейін Комиссия мүшелері күн тәртібіндегі мәселелерді талқылады.

Комиссия отырысының негізгі тақырыбы бойынша Қазақстанда өтетін ТҮРКПА-ның 14-ші Пленарлық отырысына ұсынылатын есеп пен ұсынымдар қаралып, бекітілді. Сонымен қатар, Комиссия Әзербайжан Республикасы Милли Меджлисінің Әлеуметтік заңнама бөлімінің меңгерушісі Әділ Валиев ұсынған «Халыққа экологиялық білім беру және ағарту туралы» модельдік заң жобасын талқылап, қабылдады.

Комиссияның келесі 11-ші отырысын келесі жылы Түркияда өткізу туралы шешім қабылданды.

Сонымен қатар, 2025 жылғы 13 наурызда Әзербайжан Республикасы Милли Меджлисінің Денсаулық сақтау комитетінің төрағасы, ТҮРКПА Қоршаған орта, табиғи ресурстар және денсаулықты сақтау комиссиясының төрағасы Ахлиман Амирасланов Бішкек қаласына сапары барысында Қырғызстан Республикасы Жогор Кенешінің Әлеуметтік саясат комитетінің төрайымы Винера Раимбачаевамен кездесті.

Ахлиман Амирасланов Әзербайжан делегациясының Қырғызстанға ТҮРКПА Қоршаған орта, табиғи ресурстар және денсаулықты сақтау комиссиясының 10-шы отырысына қатысу үшін келгенін айтып, ТҮРКПА аясындағы парламентаралық ынтымақтастық екіжақты қарым-қатынастарды жаңа деңгейге көтеруге ықпал ететінін баса айтты.

Винера Раимбачаева соңғы жылдары екіжақты қарым-қатынастардың дамып келе жатқанына тоқталып, Әзербайжан сияқты Қырғызстан да интеграцияға үлкен мән беретінін білдірді.

Бұл тұрғыда Винера Раимбачаева екі ел парламенттерінің біртұтас Түркі парламентаралық кеңістігі – Түркі мемлекеттерінің Парламенттік Ассамблеясы аясындағы өзара іс-қимылының маңыздылығын атап өтті.