ТҮРКПАнын Укуктук маселелер жана эл аралык байланыштар боюнча комиссиясынын он экинчи жыйыны

2025-жылдын 28-апрелинде Казакстан Республикасынын Парламентинин Мажилисинде ТҮРКПАнын Укуктук маселелер жана эл байланыштар боюнча комиссиясынын он экинчи жыйыны онлайн форматта "ТҮРКПАга мүчө мамлекеттердеги Акыйкатчы институттары" темасы астында өттү.

Жыйынга комиссия мүчөлөрү, парламенттерден укуктук маселелер боюнча эксперттер жана Катчылыктын өкүлдөрү катышты. Жыйын Укуктук маселелер жана эл аралык байланыштар боюнча комиссиясынын Төрагасы, Түркия Улуу Улуттук Жыйынынын мүчөсү Осман Местен алып барды.

Жыйындын ачылышында Комиссиянын Төрагасы Осман Местен, Комиссиянын Төрагасынын орун басары Абзал Куспан жана Комиссиянын мүчөлөрү Жаваншыр Фейзиев, Русланбек Жакышов жана Филиз Кылыч сөз сүйлөштү.

Жыйындын катышуучулары күн тартибиндеги маселелерди талкуулап, июнь айында Казакстанда өтө турган ТҮРКПАнын 14-пленардык отурумунда сунушталчу комиссиянын отчетун жана сунуштамаларын бекитишти.

Комиссиянын жыйынынын алкагында сүйлөгөн сөздөрүндө Акыйкатчы институттарынын маанилүүлүгү жана алар адам укуктарын коргоо жана колдоо үчүн маанилүү түзүмдөр экендиги баса белгиленди. Мындан тышкары, мүчө мамлекеттердин парламентарийлери өз өлкөлөрүндөгү акыйкатчылардын тарыхы жана иштөө системасы жөнүндө да айтып беришти.

Отчетко жана сунуштамаларга кошумча, тараптар комиссия тарабынан даярдалган "ТҮРКПА мүчө мамлекеттеринде жашоо уруксатын жеңилдетүү жөнүндө" моделдик мыйзам долбоорун жактырышты, ал кезектеги пленардык отурумда кабыл алынат. Кабылданган моделдик мыйзам долбоору ТҮРКПАга мүчө мамлекеттердин жарандарына мүчө өлкөлөрдө бюрократиялык тоскоолдуктарсыз жашоо укугун алууну жеңилдетүүгө багытталган. Мындан тышкары, мыйзам долбоорунда өнөрпоздор, студенттер жана ишкерлер сыяктуу адамдардын өзгөчө категориялары үчүн өзүнчө бөлүм бар, ошол эле учурда адамдардын ушул топторуна жашап турууга уруксат алууну жеңилдетүүгө басым жасалат.