Әзeрбайжан Республикасының Конституция күні

ТҮРКПА Халықаралық Хатшылығының атынан Әзербайжан халқын Әзербайжан Республикасының Конституциясы күнімен және Конституцияның қабылданғанына 30 жыл толуымен шын жүректен құттықтаймыз. 1995 жылы 12 қарашада қабылданған Конституция егемендікті, демократияны және адам құқықтары мен бостандықтарын қорғауды қамтамасыз етуде іргелі рөл атқара отырып, қазіргі Әзербайжан мемлекеттілігінің негізін қалады. Бұл тарихи құжат сонымен қатар елдің заң үстемдігі қағидаттарына және халықаралық құқыққа адалдығын көрсетеді. Осы айтулы мерейтойда Әзербайжан халқына одан әрі өркендеу, бейбітшілік және тұрақты прогресс тілейміз.